На ден 02.11.2012година (среда) се одржа манифестација на тема „Рачни изработки", во која учесници беа учениците од I до V одделение од централното и подрачното училиште. Реализираната манифестација е дел од програмата за Проектот „Промовирање на мултикултурализмот во образованието", во неа се одржаа повеќе работилници и тоа:

·        Сè од хартија

·        Сè од конец и игла

·        Сè со глина и пластелин

·        Рециклираме

·        Украсување предмети

Целта на оваа манифестација беше поголема соработка, дружење, креативност, имагинација, вештини за создавање на интересни продукти од различни материјали од различни етнички групи.

Учениците со големо задоволство и интерес ги изработуваа и создаваа своите изработки за потоа да ги прикажат и пофалат  пред гостите кои ги имаше во голем број.

Манифестацијата беше посетена од родители, поранешни ученици а сега почитувани граѓани, претставници од општина Аеродром, женската НВО "Гердан" и други гости од локалната заедница.