Сите активности за реализација на овој час се изведени во училница, со користење на детските лаптопи. Додека го следеа цртаниот филм учениците беа целосно насочени кон неговата содржина, бидејќи визуелно го восприемаа, сето тоа ќе го погледнете низ нашите активности кои ќе следат сега:
Во воведниот делод часот учениците се запознаваат со игровната активност „Две реченици за мене", во која еден ученик кажува две реченици едната од нив е лажна, а другата вистинита, за него, другите ученици ја откриваат неговата лажна реченица и разговараат за нив.



 

 

Во главниот дел поставувам прашања за поимот цртан филм, го објаснувам и го дефинирам поимот. Го најавувам насловот на цртаниот филм кој што ќе го следат и поставувам прашање  (Што очекуваат да видат во цртаниот филм според неговиот наслов?) Го пуштам филмот и им задавам задача внимателно да го следат текот на настаните. Следи емоционално-интелектуална пауза, средување на доживувањата од гледаниот цртан филм.Поставувам поттикнувачки прашања за нивните доживувања и чувства од следениот филм. Одговорите на поставените прашања и заклучоци се оценуваат со помош на усна повратна информација. Им вртам презентација со слики од цртаниот со кои се редоследно подредени и задавам задача да се состават реченици, потоа и некој накратко да го раскаже цртаниот филм. Раскажувањето на филмската приказна според слики (фремови) се оценува со чек листа. Поставувувам прашања за главниот лик и неговите карактеристики и за содржината на цртаниот филм.Одговорите на поставените прашања и заклучоци се оценуваат со помош на чек листа.
 

 

 

 

Во завршниот дел го демонстрирам и објаснувам работниот лист (скелетен приказ) кои учениците треба да го изработат во компјутер.  Им помагам во работата на компјутер според барањата и прашањата поставени од учениците, објаснувам, покажувам, ја следам нивната работа, ја оценувам нивната практична работа со помош на чек листа. На USB ставам  дел од нивните изработки, а потоа ги поврзувам преку проекторот и давам задолжение  да ја презентира нивната изработка. Изготвувањето на скелетниот приказ се оценува со помош на чек листа.

Медиумска култура - Следење на цртан филм from Nella S Nikovska