Пишуваме и твориме на различни теми

ПЧЕЛИЧКИ

Пчелички мали
вие душички смели,
излезете и видете
пролетта кај нас се всели.

Летнете низ ливади
погалете некој цвет,
за нас дечињата
соберете сладок мед.

Николина Аврамовска

МОЕТО СЕЛО

Во тебе мило село
преубави деновите беа,
со моите другарчиња
сеевме радост и смеа.

Ти секогаш со мене си мило
и во мојот сладок сон,
со црцор на птици
како топол весел ѕвон.

Каде и да сум мое село
топол поздрав ти праќам,
и секогаш со мислите мои
кај тебе се враќам.

Николина Аврамовска

ЖИВОТИНСКИ ПРИКАЗНИ

Сите животни мои,
сите по свој крој!

Еден слон фин,
убаво изгледа во костум син!

Жирафата со долг врат,
дома игра шах, мат!

Лавот силно рика,
сака да се слика!

Нилскиот коњ јаде трева микс,
и во вода игра твист.

И така случките стојат
и страници нови бројат!

Шанин Зиндл