Интегриран активен ден „МОЈАТА ИГРА"

Интегрирани содржини и предмети: Утврдување за парни и непарни броеви и броеви од првата и втората десетка (математика), Именки (македонски јазик), Плоштина на разновидни линии (Ликовно образование), Потскокнување на една нога (физичко и здравствено образование).
Дел од активностите се изведуваат во училница и во училишниот двор, најинтересна активност за учениците беше креирањето на игра според дадени упатства со нестандарден материјали и нејзината изведба во групи.

Денот го започнувам со игровна активност „Плесни со рацете" и ги објаснувам правилата на играта. Задавам задача да откријат со кого се во група и да си изберат лидер на групата. Ја откривам целта на часот и им ги кажувам очекувањата кои треба да ги постигнат.

Учениците ги утврдуваат своите знаења за парни и непарни броеви и броеви од првата и втората десетка и именки, преку различни активности.
1.Им ја објаснувам активноста во која треба да ги определат парните и непарните броеви, броевите од првата и втората десетка и геометриските фигури според боја во соодветните кутии.

2.Им задавам активност да креираат игра со помош на дадениот материјал и им ги објаснувам упатствата за работа со помош на презентација.

Им помагам во работата на изработките според барањата и прашањата поставени од учениците, објаснувам, покажувам, ја следам нивната работа, ја оценувам нивната практична работа со помош на чек листа.

3.Ги демонстрирам нивните изработки и давам задолжение да ги објаснат.

4.Им задавам задолжение да ги изведат игровните активности од креираните игри во групи.

5.Излегуваме во училишниот двор и им давам напатствија на секоја група да ја нацртаат играта „Плочка" со десет полиња и во секое поле да имаат напишано именки за лица прва група, втора група именки за предмети, трета група именки за животни и четврта група именки за растенија и ги изведуваат игровните активности.